एस्पी काेइरालाकाे गीतिकारिता कसैलाई चिनाइरहनु पर्दैन । उनकाे लाेकप्रियता सर्वविधित छ । “आमा भन्दै रुन पाऊँ”, “धडकनभित्र लुकाइदेऊ न” तथा “आधा जिन्दगी रित्तिसक्याे” जस्ता जनजनकाे जिब्राेमा बसिसकेका दर्जनाैँ कालजयी गीतका सर्जक समयक्रममा नेेपाली सङ्गीत र कविताका अनिवार्य स्तम्भ बनिसकेका छन् । आफैँ पनि शालीन, विनम्र र मृदुभाषी व्यक्तित्व काेइरालाका गीत सुललित, हृदयस्पर्शी र मधुर छन् । राष्ट्रभकति, प्रम-प्रणय र मानवीय सम्बन्ध उनकाे गीतका प्रमुख विषय हुन् ।