गजलका पारखीहरूलाई थाहै छ— लोकेन्द्र बञ्जारा आफ्नो छुट्टै ‘अन्दाज’ र पृथक् दृष्टिसहित गजलको फाँटमा प्रस्ट आभा लिएर उभिएका प्रतिभा हुन् । उनी गजलका शास्त्रीय मान्यता र लोकमतले संशोधन गरेका नवीन प्रयोगहरूका सुन्दर दोभान हुन् । उनका गजलका शेरहरू सूक्तिजस्ता लाग्छन् र हाम्रै अनुभव र अनुभूतिको बिचैबिच एउटा बलियो प्रवाह बनेर बग्छन् । जीवन र जगत, आफू र अन्य, केन्द्र र परिधि, प्रेम र घृणा तथा साथ र आघातजस्ता अनेक द्विचरहरू बीच उभिएका उनका प्रायः सबै गजल गेयात्मक छन्, किनकि ती गीतको कोमलता बोकेर उभिएका छन् । उनै प्रतिभाशाली गजलकार लोकेन्द्र बञ्जाराको गजल–सङ्ग्रह ‘पलक’ लाई पेज टर्नरमा उपलब्ध छ ।